အိပ်မက်လွန်နေရာ
မှန်းတာ ညီမျှခြင်း ဖြစ်တာ၊
အတ္တတွေး ဆုံးထိ လိုက်ရှာ၊
များသတ္တဝါအတွက် ဖြစ်လာ။

A place beyond dream,
Where what seems is what has been;
A thought for oneself pursued,
Turns out for all living things.

By: Dr. Sai Kham Leik

ကိုယ်အကြောင်း

Étoile လို့ ကိုယ့်ကိုကိုယ် တိတ်တိတ်လေး ခေါ်တယ်...
ကိုယ့်ကိုယ်ကိုယ် ဘယ်သူမှန်း မသိတတ်ဘူး
ကိုယ့်ကိုယ်ကိုယ် ဘာလိုချင်မှန်းတောင် မသိတတ်ဘူး..
ရွေးစရာတွေပေါ်လာတိုင်း ဒွိဟဖြစ်တတ်သေးတယ်
ကိုယ်လုပ်ချင်တာတစ်ခုကို လုပ်လိုက်လို့ ဘယ်လောက်မှားသွားမှားသွား
ဘယ်တော့မှ နောင်တမရတတ်ဘူး...
Coffee ကြိုက်တတ်တယ်...
စာရေး စာဖတ်လုပ်ရတာ ဝါသနာပါတယ်...

Tattoo လေးတွေကို ချစ်တယ်
အသုံးကျမယ်ဆိုရင်
ဖယောင်းတိုင်ငယ်တစ်တိုင်လို
ငါ……. လောင်ကျွမ်းပစ်လိုက်မယ်…
ဖိနပ်တစ်ရန်လို..
ငါ…… လုံးပါးပါး ပစ်လိုက်မယ်…

ဒါပေမယ့် ဖြစ်နိုင်မယ်ဆိုရင်
မနက်စောစော ငါ့ကို လာမနိုးစမ်းပါနဲ့…

Thursday, February 12, 2015

ဘာမားခရိုနီကယ်

စာအုပ်အမည်- ဘာမားခရိုနီကယ်
ဘာသာပြန်သူ - မြေမှုန်လွင် (ငါတို့စာပေ)
မူရင်းစာအုပ်အမည် - BURMA CHRONICLES
မူရင်းစာရေးသူအမည် - Guy Delisle
တန်ဖိုး - ၃၅၀၀ ကျပ်
ထုတ်ဝေသူ - ငါတို့စာပေ (ပထမအကြိမ်၊ ၂၀၁၃ မေလ)
ဒီနေ့ မိတ်ဆက်ပေးချင်တဲ့စာအုပ်ကတော့ ကာတွန်းစာအုပ်လေးပါ။ မြန်မာနိုင်ငံအကြောင်းကို နိုင်ငံခြားသားတစ်ယောက် မြင်တဲ့ အမြင်လေးကို ဒီရုပ်ပြစာအုပ်လေးကက ကွင်းကွင်းကွက်ကွက် ဖော်ပြသွားပါတယ်။ မြန်မာပြည်ထဲမှာတော့ ကျမတို့အားလုံး နေသားတစ်ကျဖြစ်နေတဲ့ ကိစ္စတစ်ချို့ဟာ သူတို့ အပြင်လူအမြင်မှာတော့ ထူးဆန်းနေတဲ့ ကိစ္စတွေကို ဟာသလေးနောပြီး တင်ပြသွားပုံလေးက စိတ်ဝင်စားဖို့ကောင်းပါတယ်။

ဥပမာ သူရဲ့ ခြံစောင့်ကွမ်းယာစားပြီး ပါးစပ်နီရဲနေတာကြည့်ပြီး ဒီလူ date ရင် (ရည်းစားနဲ့ချိန်းတွေ့ရင်) ဘယ်လိုနေမလဲလို့ တွေးတာမျိုး။

နောက် သင်္ကြန်အကြောင်း၊ ဒေါ်အောင်ဆန်းစုကြည်ကို သူတွေ့ချင်တဲ့အကြောင်း၊ သင်္ကြန်ကျတဲ့အကြောင်း၊ City mart အကြောင်း၊ စစ်အစိုးရလက်ထက်က ဘာမဆို ထိန်းချုပ်ခံရတဲ့အကြောင်း၊ စာအုပ်စာပေတွေပေါ်က ဆင်ဆာတွေ၊ ပြည်ပက ၀င်လာတဲ့ စာအုပ်တွေပေါ်က အပေါက်တွေ အကြောင်း၊ ဦးနေ၀င်းလက်ထက်က ဘာကြောင့်မှန်းမသိ လမ်းဘယ်မောင်းကနေ ညာမောင်းကို ပြောင်းပစ်လိုက်တဲ့အကြောင်း စုံလင်စွာ ရေးထားပါတယ်။

စာရေးသူဟာ ကနေဒီယန်လူမျိုးဖြစ်ပြီး ရုပ်ပြရေးခြင်းနဲ့ Animation ပြုလုပ်ခြင်းနဲ့ အသက်မွေးပါတယ်။ သူ့ရဲ့ အမျိုးသမီးက Humanitarian worker တစ်ယောက်ဖြစ်ပြီး ဖွံဖြိုးဆဲနိုင်ငံတွေမှာ လှည့်လည်တာဝန်ထမ်းဆောင်နေတဲ့ သူတစ်ယောက်ဖြစ်ပါတယ်။ စာရေးသူက အမျိုးသမီးပြောင်းရွေ့နေထိုင်တဲ့ နီုင်ငံတွေမှာ လည့်လှည်နေထိုင်ရင်း အဲဒီနိုင်ငံတွေရဲ့ အကြောင်းတွေကို ရုပ်ပြစာအုပ်တွေရေးပါတယ်။ အခုချိန်ထိ ဂျေရုစလင်၊ ပြုံယမ်း နဲ့ ဘာမားခရိုနီကယ် စာအုပ် သုံးအုပ်ကို မြန်မာဘာသာသို့ ပြန်ဆိုထားပြီးပါပြီ။

Guy Delisle ဟာ မြန်မာနိုင်ငံသို့ ၂၀၀၅ ခုနှစ်က အမျုိုးသမီးဖြစ်သူနှင့် အတူလိုက်ပါနေထိုင်ခဲ့ပြီး ယခုစာအုပ်ကို ပြင်သစ်ဘာဘာဖြင့် ၂၀၀၇ ခုနှစ်မှာ ရေးသားခဲ့ပါတယ်။ ယခုစာပေလွတ်လပ်ခွင့်ရလာချိန်မှ ကျမတို့ဟာ ဒီစာအုပ်ကို မြန်မာဘာသာဖြင့် ထုတ်ဝေခွင့်ရလာတာဖြစ်ပါတယ်။

ပေါ့ပေါ့ပါးပါးလေးနဲ့ ဖတ်လို့ ကောင်းတဲ့ စာအုပ်လေးတစ်အုပ်ဖြစ်တယ်ဆိုတဲ့ အကြောင်းလေး ထပ်ဖြည့်ချင်ပါတယ်။

=========
မြေမှုန်လွင် (ငါတို့စာပေ) မှ အမှာစကားတစ်ချို့နဲ့ ကျမ မိတ်ဆက်ပေးချင်ပါတယ်။

ဘာမာခရော်နီကယ်စာအုပ်သည် ကမ္ဘာကျော် ကာတွန်းပညာရှင် လစ်စလေ၏ နာမည်ကြီးလက်ရာတစ်ခုဖြစ်သည်။ မြန်မာအာဏာရှင်လက်အောက်တွင် တစ်နှစ်ကျော်နေထိုင်သွားကာ မြန်မာပြည်အကြောင်းကို ထဲထဲဝင်ဝင်၊ နှံ့နှံ့စပ်စပ်ရေးဆွဲဖန်တီးထားသည်ကို တွေ့ရမည်။

No comments:

Post a Comment