မီးသတိပြု .....ဦးထွန်းရွေ

ဒီနေ့တော့ ဦးထွန်းရွေရဲ့ မီးသတိပြုဆိုတဲ့ သီချင်းကို ရန်ကုန်တိုက်ခန်းထဲမှာ ဖယောင်းတိုင်လေး ထွန်းပြီး ရေးပါတယ်။

ကျမ ဒီသီချင်းကို ရေးတာက ကိုလွင်လွင်ကျော်ကို ရွတ်ပြီး ရေးတာမဟုတ်ပါဘူး။

မီးပျက်နေလို့ ရေးတာလည်း မဟုတ်ပါဘူး။

နွေရာသီရောက်ခါနီးလို့ လောဘီလုပ်ပြီးရေးတာလည်း မဟုတ်ပါဘူး။

ဒါဆို ဘာလို့ရေးလဲလို့ မေးစရာရှိပါတယ်။

ဘာလို့ရေးလဲဆိုတော့ ရေးချင်လို့ကို ရေးပါတယ်။

ဒီသီချင်းအကြောင်း ခံစားမှုရေးရမှာ တော်တော်တော့ မလွယ်ဘူး။ ဒီသီချင်းလေးရဲ့ အဖွင့်မှာ မီးတွေလောင်နေတယ်လို့ ရေးရအောင်လည်း မဟုတ်။

သီချင်းလေးကို မျက်စိမှိတ်ပြီး ခံစားလိုက်ရင်တော့ ကိုယ်တိုင်ပဲ မီးလောင်တဲ့ အိမ်ထဲရောက်ရှိနေသလိုကို ပူလောင်မှုကို ပေးနိုင်တဲ့ သီချင်းလေးပါပဲ လို့ ရေးရအောင်လည်းမဟုတ်။

အဆိုရှင်ရဲ့ အသံလေးကို နားထောင်လိုက်ရင်ပဲ ကိုယ်တိုင် ထမင်းထုတ်စားနေရသလိုကို ခံစားလိုက်ရပါတယ်လို့ ရေးရအောင်လည်း မဟုတ်။

တော်တော်ကို ကိုးလို့ကန်လန့်နိုင်ပါတယ်။

ဘယ်လိုပဲပြောပြော ဒီသီချင်းက ကျမတို့ကို တကယ်ပဲ မီးကို သတိနဲ့ အသုံးပြုဖြစ်အောင် လှုံ့ဆော်နိုင်တဲ့ သီချင်းတစ်ပုဒ်လို့ ပြောရမှာပဲ။ ဘ၀တစ်လျှောက်လုံး ဒီလိုသီချင်းမျိုး ထပ်နားထောင်ရဖို့ မဖြစ်နိုင်ဘူးလို့ ပြောရင်တောင် ရနိုင်ပါတယ်။

မြန်မာသံစဉ်စစ်စစ် သီချင်းတစ်ပုဒ်။

ဘယ်လို တူရိယာတွေသုံးထားလဲတော့ မသိပါ။

ရန်သူငါးပါးထဲမှာ အင်မတန်ဆိုးဝါးလှတာ မညှာမတာ ဘယ်သူမှ မထောက်သာ

သူခိုး ဓါးပြတဲ့ ဆိုးတဲ့ ရန်သူဟာ ဒီဇမ္ဗူ တစ်ခွင်မှာ ရန်သူမီးကို အစဉ်ပဲ သတိပြုပါ။

ရန်သူငါးပါးထဲမှာ အင်မတန်ဆိုးဝါးလှတာ မညှာမတာ ဘယ်သူမှ မထောက်သာ

သူခိုး ဓါးပြတဲ့ ဆိုးတဲ့ ရန်သူဟာ ဒီဇမ္ဗူ တစ်ခွင်မှာ ရန်သူမီးကို အစဉ်ပဲ သတိပြုပါ။

ရေ၊ မီး၊ မင်း၊ ခိုးသူ၊ သားဆိုး သမီးဆိုးဆိုတဲ့ ရန်သူငါးပါးထဲမှာ ကုန်းကောက်စရာ မရှိအောင် ဒုက္ခပေးနိုင်တာက မီးဘေးဆိုတာ လူတိုင်းသိပါတယ်။ အဖြူအမဲ မခွဲခြား၊ လူမျိုးဘာသာ မခွဲခြား၊ ဆင်းရဲချမ်းသာ မခွဲခြားပဲ လူတွေကို သူဌေးဘ၀ကနေ ထမင်းထုတ်စား၊ ဘုန်းကြီးကျောင်းမှာ အိပ်ရတဲ့ ဘ၀ကို နာရီပိုင်းအတွင်း ရောက်သွားအောင် ဖန်တီးနိုင်တဲ့ ရန်သူတစ်မျိုးပါ။ သူခိုးခိုးခံရရင် ဓါးပြတိုက်ခံရရင် အကြွင်းအကျန်လေးတော့ ကျန်ရစ်အုံးမယ်။ မီးနဲ့တွေ့ရင်တော့ အကုန်ပြာပဲ ကျန်မယ်မှတ်။

မြေကျန်ပါတယ်မပြောနဲ့ အတွေ့အကြုံရှိတဲ့သူတွေ မေးကြည့် သိပ်မလွယ်ဘူး။ Shopping center ဖြစ်ရင်ဖြစ်။ နဂိုအတိုင်းမဟုတ်ပဲ အကွက်ရိုက်ခံရရင် ခံရဖြစ်နိုင်တယ်။ ၀င်းနဲ့ ခြံနဲ့ နေရာကနေ ကန်တရိုက်တိုက်ပေါ်ရောက်ချင်ရောက် သွားနိုင်တယ်။

ဝမ်းနည်းစရာကောင်းလောက်အောင် တွေ့မြင်ရတာ

အိုးအိမ်အခြေမဲ့ အနေမဲ့အောင်သာ မီး မရိုသေသူတစ်ဦးကြောင့် ကုန်ဆုံးခဲ့တဲ့ အိမ်ပေါင်းများစွာ

အို အသပြာ ကဋေကဋာ နှစ်စဉ်အမြဲပါ

အဲဒီမီးကိုတော့ ရှောင်ကွင်းဖို့ရာ ကြိုတင်ကာ ကြိုတင်ကာ ထာဝစဉ်သတိထားပါ

အရင်ကတော့ နွေရာသီမှ မီးကို ကြောက်ရသလိုလိုနဲ့ အခုတော့ မိုးကုန်ပြီး ခြောက်သွေ့လာပြီဆိုတာနဲ့ မီးကစကြောက်ဖို့ကောင်းနေပြီ။ ဆောင်းတွင်းကလည်း ခြောက်သွေ့လာပြီကို တစ်ချို့ တစ်ချို့နေရာတွေမှာ ဆောင်းတွင်းဆိုတာ ပျောက်ဆုံးသွားပြီ။

ဒီသီချင်းကို ငယ်ငယ်က တီဗီမှာလာတာ ကြားဖူးကြည့်ဖူးတယ်။ အဲဒီကတည်းက တီဗီထဲက မီးတွေကိုကြည့်ပြီး အရမ်းကြောက်တတ်ခဲ့တယ်။ အဲဒီသီချင်းကြားပြီးတဲ့ ညတွေဆို ညအိပ်ခါနီးတိုင်း ကစားစရာအရုပ်လေးတွေကို တစ်ခုမကျန် ကစားစရာပုံးထဲ သေချာလိုက်သိမ်းတယ်။ ညအိပ်နေတုန်း မီးလောင်ရင် အဲဒီအရုပ်တွေ လိုက်သိမ်းဖို့ အချိန်မရလိုက်ပဲ မီးထဲမှာ ထားခဲ့ရမှာစိုးရိမ်လို့။

မန်းလေးမှာ ကျောင်းတတ်တုန်းက တောင်ပေါ်သူ အမတစ်ယောက်ကတော့ မီး… မီး… မီးဆိုတဲ့အချိန် ထည့်မိထည့်ရတွေထည့်ပြီး ပြေးတာ။ မီးငြိမ်းလို့ ပြန်လာတော့ သူ့အိတ်ထဲက ထွက်လာတာက နှုတ်ခမ်းနီဘူးကုန်ခါနီး၊ ဖိနပ်အစုတ်တစ်ရန်နဲ့ အမျိုးသမီးလစဉ်သုံးပစ္စည်းတဲ့။

မီးလောင်တဲ့နားရှိပြီး ကိုယ့်အိမ်လေး ကိုယ့်နေရာလေး ကံကောင်းလို့ မပါသွားရင်တော့ လူတိုင်းစိတ်သက်သာရာရမိမှာပဲ။ ဒါပေမယ့် အဲဒီလို မီးဘေးမသင့်ပဲတောင်မှ အဆောင်လာနေတဲ့ နှလုံးရောဂါသည်၊ ကိုယ်ဝန်သည် အမတစ်ယောက် အသက်မဆုံးရှုံးသင့်ပဲ နှလုံးဖောက်ပြီး ဆုံးသွားတာလည်း ရှိဖူးတယ်။ အခန်းဖော်အပြင်သွားတာကို သူအိပ်မှာမို့ အပြင်ကနေ သော့ခတ်ခဲ့ပါလို့ သူကိုယ်တိုင်ပြောခဲ့တာ၊ အဲဒီအချိန်မီးလောင်တော့ သူမှာဆောက်တည်ရာမရပဲ အသက်ဆုံးရှုံးရရှာတယ်။

မီးဘေးရှောင်ဖို့ မလောင်ခင်တားကြပါ

ရန်သူထိုမီးကို အကြွင်းအကျန်ထားရင်မှားကြလိမ့်မည်

အမှိုက်ကစ လောင်တတ်တာမို့အိမ်တွင်းအိမ်အပြင် သန့်ရှင်းစေချင်တာ လူတိုင်းလူတိုင်းမီးသတိပြုပါဗျာ

မီးဘေးရှောင်ဖို့ မလောင်ခင်တားကြပါ

ရန်သူထိုမီးကို အကြွင်းအကျန်ထားရင်မှားကြလိမ့်မည်

အမှိုက်ကစ လောင်တတ်တာမို့အိမ်တွင်းအိမ်အပြင် သန့်ရှင်းစေချင်တာ လူတိုင်းလူတိုင်းမီးသတိပြုပါဗျာ

ကျေးလက်တောတန်း - ထွဏ်းခမ်

ဒီနေ့ရင်မှာ လာငြိနေတဲ့ သီချင်းတစ်ပုဒ်က ချင်းအဆိုတော် ထွဏ်းခမ်းရဲ့ “ကျေးလက်တောတန်း” သီချင်းလေးပါ။
ဒီနေ့လာငြိတယ်ဆိုတာ ဒီသီချင်းနဲ့ပတ်သက်ပြီး တစ်ခုခုရေးချလိုက်ဖို့ ငြိတာကို ပြောတာပါ။ ဒီသီချင်း ရင်မှာငြိတွယ်ခဲ့တာ ဆယ်စုနှစ်တစ်ခု မကတော့ဘူးထင်ရဲ့။ 

ဒီသီချင်းကို တောင်ပေါ်မှာရှိတဲ့ အိမ်ကနေ တစ်ယောက်တည်း ကျောင်းတတ်ဖို့ထွက်လာပြီး ၃ နှစ်လောက် အကြာမှာ တိုက်ခန်းကို လာလည်ရင်း ဂစ်တာတီးကြတဲ့ ရှမ်းသူငယ်ချင်းတွေဆိုကြတာကို ပထမဆုံးစကြားဖူးပြီးမှ သီချင်းခွေကို နောက်မှ နားထောင်ရတာပါ။ 

ထွဏ်းခမ်ရဲ့ ပထမဆုံးခွေ ပျောက်ဆုံးဝိညာဉ်Albumထဲမှာ သီချင်းတော်တော်များများဟာ ရင်ကို ထိစရာသီချင်းတွေချည်းပါပဲ။ ဒါပေမယ့် အခုပြောမယ့် သီချင်းကတော့ ကျမနှလုံးသားကို အထိရှဆုံး သီချင်းတစ်ပုဒ်ဖြစ်ခဲ့ပါတယ်။ ကျမမှမဟုတ်ဘူး ကျမလို တောင်ပေါ်ဒေသကို ခွဲပြီး မြေပြန့်မှာလာနေတဲ့ တိုင်းရင်းသားတော်တော်များများရဲ့ နှလုံးသားကို ရိုက်ခတ်ခဲ့တဲ့ သီချင်းတစ်ပုဒ်ပါ။ 

ကိုထွဏ်းခမ်ကတော့ သူ့ရဲ့ မွေးရပ်ဇာတိမြေ ချင်းတောင်တန်းတွေကို မြင်ယောင်ရေးဖွဲ့ခဲ့တာဖြစ်ရင်ဖြစ်မယ် ဒါမှမဟုတ် ချင်းတောင်တန်းကြီးပေါ်မှာ ရေးဖွဲ့ခဲ့တာ ဖြစ်ရင်ဖြစ်မယ်။ ဒါပေမယ့် အဲဒီအချိန် အဲဒီအရွယ်က ကျမချင်းတောင်တန်းကို မတွေ့ဖူး၊ မခံစားဖူးလေတော့ ကျမသိတဲ့ ရှမ်းတောင်တန်းတွေနဲ့ အစားထိုးခံစားပြီး ဒီသီချင်းကို နှစ်သက်စွဲလမ်းခဲ့ပါတယ်။

အခုဒီစာကို ရေးနေတဲ့အချိန်မှာတော့ ကျမ ချင်းတောင်တန်းတွေရဲ့ အလှကို သိရှိပြီးသား ခံစားဖူးပြီးသား အချိန်ဖြစ်နေပါပြီ။ သီချင်းထဲက “တောင်ပေါ် အမေ့ရဲ့ ထမင်းနဲ့ ဟင်း” ဆိုတဲ့ ချင်းရိုးရာ အစားအစာဖြစ်တဲ့ ပြာဟင်း၊ ဆာဗူးသီး၊ နွားနောက်သားတို့ရဲ့ အရသာတွေကို ကျမခံစားဖူးပြီးပါပြီ။ 

ဒီသီချင်းကို မျက်လုံးလေးမှိတ်ပြီး နားထောင်လိုက်ရင် သီချင်းကို ဖွင့်ထားပေးတဲ့ ချင်းရိုးရာပုလွေသံလေးဟာ တိမ်တွေလွင့်မျောနေတဲ့၊ ရံဖန်ရံခါ တိမ်တိုက်တွေ ကိုယ့်အိပ်ခန်းပြတင်းပေါက်ကနေ ကိုယ့်အိပ်ယာဆီကို ၀င်လာတဲ့၊ တခါတစ်ခါ တောင်ပေါ်လမ်းမှာ ဆိုင်ကယ်စီးနေရင်၊ လမ်းလျှောက်နေရင် ကိုယ့်အောက်မှာ တိမ်တိုက်တွေဖြတ်စီးနေတဲ့၊ တောင်ပေါ်လမ်းမှာ သွားနေရင်း တိမ်တွေကြားထဲ ရောက်သွားလို့ အိမ်မက်ကမ္ဘာထဲရောက်သွားသလိုဖြစ်သွားတတ်တဲ့ ချင်းတောင်တန်းတွေဆီ ကျမကို ခေါ်ဆောင်သွားပါတယ်။ အိမ်မက်တစ်ခုမက်ရသလို မျော်လွင့်သွားလို့ …. 

ပုလွေသံအဆုံးမှာ ဂစ်တာ Plugging ခပ်သံလေးက အိမ်မက်မက်နေရာက လှုပ်နှိုးလိုက်တဲ့ Alarm သံတစ်ခုလို လက်တွေ့ဘ၀ကို ပြန်ခေါ်လိုက်သလို သာသာယာယာလေးပေမယ့် သာယာတဲ့ အိမ်မက်တစ်ခုကို ကြားဖြတ်ဝင်လာတဲ့ သံစဉ်တစ်ခုလို ၀င်လာတယ်။ ချင်းတောင်တန်းတွေပေါ်ကို ရောက်ရှိနေတဲ့ စိတ်အလျင်ဟာ ဂစ်တာPluggingသံကြောင့် ကိုယ့်နေရာကို ကိုယ်တစ်ဖြည်းဖြည်းပြန်ရောက်လာပြီး Drum ခေါက်သံတွေပေါ်လာတဲ့အချိန်မှာတော့ ကိုယ့်ကိုကိုယ် တောင်တန်းပေါ်မှာ မဟုတ်ပဲ မြို့ပြမှာပါလားဆိုတာကို ထွဏ်းခမ်ရဲ့ သီချင်းသံကြောင့် သိလိုက်ရပါတယ်။ 

<<မျှော်လင့်ခြင်းနဲ့ ဘ၀ရဲ့ပြေးလမ်းပေါ်မှာ
ရှာဖွေကြိုးစား ဘ၀အတွက် ပြေးလွားနေရင်း
အကြိမ်ကြိမ်လဲကျ ရှုံးနှိမ့်မောပန်းလို့ နွမ်းနယ်
ငြိမ်သက်နွေးထွေးဘ၀ရဲ့ အရိပ်ကို ကျနော်တမ်းတ အိုး အိုးးး
မြို့ပြညရဲ့ လမ်းမတွေပေါ် ဒါဏ်ရာများနဲ့ တိုက်ခိုက် အသည်းကွဲချိန်မှာ
ယုံကြည်ခြင်းများ အားနည်းပျောက်ဆုံး ဘ၀မီးအိမ်
ကြယ်ရောင်မလင်းတဲ့ ဘ၀ရဲ့ ညတွေ ခံစားရင်း လမ်းပျောက်နေဆဲ>>

တောင်ပေါ်ကနေ အောင်မြင်မှုတွေကို မှန်းဆလို့ ဆင်းလာတဲ့ တောင်ပေါ်သားတွေ မြို့ပြယဉ်ကျေးမှုကြားမှာ အကြိမ်ကြိမ် ရှုံးနိမ့်တာတွေ၊ မောပန်းမှုတွေ၊ အသည်းကွဲတာတွေ၊ တစ်ခါတစ်ခါ အရှုံးပေးလိုက်ချင်တာတွေ၊ မြို့ပြမှာ မလင်းတဲ့ ကြယ်တွေ၊ အေးဆေးငြိမ်သက်တဲ့ တောင်ပေါ်ဘ၀ဆီ ပြန်ပြေးသွားချင်တာတွေ အရသာစုံအောင်ကို ထည့်ပေးသွားပါတယ်။

အခုချိန်မှာတော့ ရှုံးတဲ့ဒါဏ်၊ အဆင်မပြေတဲ့ ဒါဏ်ကို ဒူပေတာပေ တော်တော်ခံနိုင်နေပြီဖြစ်ပေမယ့် ဒီသီချင်းကို စကြားဖူးတဲ့အချိန်မှာ အတွေ့အကြုံက နု၊ စိတ်ဓါတ်က နုတော့ ဒီစာပိုဒ်လေးဟာ ငါ့အတွက်ရေးထားတာပဲလို့တောင် ခံစားခဲ့ဖူးတယ်။ 

UFL မှာ စာမရတာတွေ၊ စာမေးပွဲကျတာတွေ၊ ပြည်လမ်းမှာ စိတ်ညစ်ညစ်နဲ့ လမ်းလျှောက်တာတွေ၊ Bus ကားကျပ်တာတွေ၊ အသည်းကွဲတာတွေ၊ အသည်းခွဲတာတွေ၊ မြို့ပြမီးရောင်ကြောင့် မိုးပေါ်ဘယ်လောက် မော့်ကြည့်ကြည့် ချစ်တဲ့ ကြယ်လေးတွေကို မတွေ့ရတာတွေ အဲဒီအရွယ်က ဘ၀အတွက် တော်တော်ကြီးတဲ့ အခက်အခဲတွေပေါ့။ ဆယ်စုနှစ်တစ်ခုကျော်ကြာပြီး အဲဒီအကြောင်းတွေကို ပြန်လှည့်ကြည့်တော့ ငါတော်တော် မရင့်ကျက်ခဲ့ပါလားလို့ တွေးမိပါတယ်။ အဲဒီအရွယ်ကတော့ ကိုယ့်ကိုယ် အဟုတ်ကြီးထင်ခဲ့တာပေါ့။ ငါ့လောက်တော် ငါ့လောက် တတ်တဲ့သူမရှိဘူး။ ငါလုပ်ရင် အောင်မြင်မှာပဲဆိုတဲ့စိတ်နဲ့ အမေ့အေးရိပ်ကခွါ မြို့ပြမှာ တစ်ယောက်တည်းမပြောနဲ့ တစ်ပိုင်းထဲလည်း ဖြစ်တယ်ဆိုတဲ့ စိတ်နဲ့ မွေးရပ်မြေကို ခြေစုံကန်ခဲ့တာ။ အဲဒီအချိန်ကတည်းက အခုချိန်ထိ မွေးရပ်မြေကို ပြန်ပြန်တမ်းတမိနေဆဲ <<ငြိမ်သက်နွေးထွေးဘ၀ရဲ့ အရိပ်ကို ကျနော်တမ်းတ ….. အိုး … အိုး….>>

<< ဒီလို မြို့ပြဘ၀က အဆင့်မြင့်ပါတယ်
နေထိုင်စားသောက်ဖို့အတွက် အားလုံးအဆင်ပြေ
ဒါပေမယ့်လည်း ကျနော့်ရဲ့ အသွေးအသားက တောင်းဆို
တောင်ပေါ်အမေ့ရဲ့ ထမင်းနဲ့ဟင်းကို ကျနော်တမ်းတ … ရေး….
ဆောင်းနှင်းများကြားပွင့်တဲ့ ချယ်ရီ
တောင်ပေါ်ထင်းရှူးရနံ့လေး ရှုရှိက်ချင်တယ်။
မြေနီလမ်းကလေးများက ပြောင်းလဲသွားမလား
တောင်ပေါ်လမ်းအတိုင်းအရောက်ပြန်မယ်
တောတန်းများရဲ့ အရိပ်ကို မျှော်ကြည့်ရင်း… မျှော်ကြည့်ရင်း
ဟိုအဝေးက မိုးသား တိမ်တိုက်များရဲ့ အောက်
ဘယ်အခါ ပြောင်းလဲမသွားတဲ့ ဒို့ရဲ့နေရာ
နွေမိုးဆောင်းပြောင်းလဲ တောင်တန်းများရဲ့ ကြား
တသွင်သွင် စီးဆင်းသွားတဲ့ စမ်းချောင်းများ ……
ဘယ်တော့မှ မမေ့ဘူး ဘာနဲ့မှ မလဲဘူး
သာယာအေးချမ်းလွန်းတဲ့ ကျေးလက်တောင်တန်း
ဘယ်တော့ အရောက်ပြန်မလဲ
ဘယ်တော့ နီးရမလဲ
အကြိမ်ကြိမ် လွမ်းမောရင်းနဲ့ မေ့မရဘူး…. >>

<<ဒီလို မြို့ပြဘ၀က အဆင့်မြင့်ပါတယ်
နေထိုင်စားသောက်ဖို့အတွက် အားလုံးအဆင်ပြေ
ဒါပေမယ့်လည်း ကျနော့်ရဲ့ အသွေးအသားက တောင်းဆို
တောင်ပေါ်အမေ့ရဲ့ ထမင်းနဲ့ဟင်းကို ကျနော်တမ်းတ … ရေး….>> ရှမ်းတောင်ကိုပဲ သိခဲ့တုန်းကတော့ မြို့ပြဘ၀ အဆင့်မြင့်တယ်ဆိုတဲ့ ကိစ္စကို ကျမထဲထဲဝင်ဝင်နားမလည်ခဲ့ဘူး။ အခုတော့ ချင်းတောင်ပေါ်မှာ ဆန်မရှိလို့ ပြောင်းဖူးကို တစ်ရက်လုံးထောင်း၊ တစ်ရက်လုံး တစ်စေ့ခြင်းနီးပါးထုပြီး ပြန်ပြုတ်စားရတာ တဲ့သူတွေကို တွေ့ဖူးခဲ့ပြီ။ သုံးဖို့ရေတစ်ပုံးအတွက်ကို နေထိုင်တဲ့တောင်ပေါ်ကနေ စမ်းချောင်းရှိတဲ့ တောင်အောက်အထိ လမ်းလျှောက်သွားခပ်ရတာတွေ သိခဲ့ပြီ။ အပူချိန် အနှုတ်ဒီဂရီရောက်နေတဲ့အချိန်မှာ Heater သုံးဖို့နေနေသာသာ အနွေးထည်တောင် ၀တ်ရဖို့မလွယ်တဲ့ တိုင်းရင်းသားတွေကို တွေ့ခဲ့ပြီ။ Heater လို့သာထည့်ပြောတာပါ လျှပ်စစ်မီးတောင် မရှိဘူး။ အိမ်ဆောက်ဖို့ မြေပြန့်ရှားပါးလွန်းတော့ တတ်နိုင်သူကတော့ မြေလေးညှိလို့ အိမ်ဆောက်၊ အများစုကတော့ ခြေတံရှည်အိမ်တွေကို လမ်းပေါ်မေးတင်ပြီး ဆောက်ထားတယ်။ အိမ်ရှေ့က လမ်းနဲ့ အတိဖြစ်ပေမယ့် အိမ်အနောက်ကတော့ လေထဲမှာပျံလို့။ ချင်းတောင်တန်းပေါ်က အိမ်လေးတွေဟာ အောက်ကနေကြည့်လိုက်တိုင်း အိမ်လေးတွေက လေထဲဝဲပြီး တိမ်ထဲဝင်နေတယ်။ 

ကြည့်လို့အရမ်းလှပေမယ့် နေထိုင်လို့တော့ မြို့ပြလို သက်တောင့် သက်သာမဖြစ်လှဘူး။ အေးတယ်။ လေတိုက်တယ်။ မီးမရှိဘူး။ အစားအသောက် ရွေးချယ်ခွင့်မရှိဘူး။ ညနက်သန်းခေါင် ဗိုက်ဆာလို့ ခေါက်ဆွဲထုတ်လေး ပြုတ်စားချင်ရင်တောင် မီးသွေးမီးဖိုကို အစကနေ ပြန်မွေးပေတော့ပဲ။
တစ်နှစ်လုံးအတွက် စားစရာ ပြောင်းဖူးတွေကို အိမ်တွေမှာ သိုလှောင်ထားရတယ်။ သီးပင်စားပင်စိုက်ဖို့ မြေနေရာကလည်း ရှားပါးလွန်းတယ်။
အဲဒီလို အစစအရာရာက မြို့ပြနဲ့ နှိုင်းယှဉ်ရင် ခက်ခဲပေမယ့်လည်း တောင်ပေါ်က အစားအစားကိုပဲ အသွေးအသားထဲကနေ တမ်းတနေမိတဲ့ ကောင်လေးတစ်ယောက်ရဲ့ ခံစားချက်ကို ကျမလိုက်ခံစားလို့ရတယ်။
အဲဒီတောင်ပေါ်က အစာတွေဟာ Fast food တွေလို ခပ်ပျယ်ပျယ်အရသာမဟုတ်ဘူး။ အာဟာရအပြည့် အရသာအပြည့်ရှိတယ်။ ငှက်ပျော်ဖက်ထဲထည့်စားရတဲ့ ထမင်းနဲ့ ဟင်းရဲ့ အရသာနဲ့ သင်းရနံ့ကို မြို့ပြကလူတွေ သိမှာမဟုတ်ဘူး။ (သူတို့က ကြွတ်ကြွတ်အိပ်လောက်သိတာ)

<<ဆောင်းနှင်းများကြားပွင့်တဲ့ ချယ်ရီ
တောင်ပေါ်ထင်းရှူးရနံ့လေး ရှုရှိက်ချင်တယ်။ >> ပန်းရောင်ချယ်ရီပွင့်လေးတွေရယ်။ သူတို့က ရနံ့ မသင်းပျံလှဘူး။ အဲဒီတော့ ထင်းရှူရနံ့လေးကိုပဲ တောင်ပေါ်သားလေး လွမ်းရတာပေါ့။ ဒီနေရာမှာ ဘာကြောင့်များသူ တောင်ဇလပ်ပန်းကို ထည့်ပြီး မရေးဖွဲ့ခဲ့လဲ ကျမမသိဘူး။ တကယ်တော့ တောင်ဇလပ်ပန်းလေးတွေကမှ သူ့မွေးရပ်မြေရဲ့ ပုံရိပ်အစစ်။ ကျန်တဲ့ဒေသတွေမှာ မရှိဘူး။ ချယ်ရီနဲ့ ထင်းရှူးပါလေတော့ ကျမတို့ ရှမ်းတောင်ပေါ်ကလူတွေကလည်း ကိုယ့်တောင်ကိုယ် လွမ်းကြတာပေါ့လေ။ 

<<မြေနီလမ်းကလေးများက ပြောင်းလဲသွားမလား
တောင်ပေါ်လမ်းအတိုင်းအရောက်ပြန်မယ်
တောတန်းများရဲ့ အရိပ်ကို မျှော်ကြည့်ရင်း… မျှော်ကြည့်ရင်း
ဟိုအဝေးက မိုးသား တိမ်တိုက်များရဲ့ အောက်
ဘယ်အခါ ပြောင်းလဲမသွားတဲ့ ဒို့ရဲ့နေရာ
နွေမိုးဆောင်းပြောင်းလဲ တောင်တန်းများရဲ့ ကြား
တသွင်သွင် စီးဆင်းသွားတဲ့ စမ်းချောင်းများ ……
ဘယ်တော့မှ မမေ့ဘူး ဘာနဲ့မှ မလဲဘူး
သာယာအေးချမ်းလွန်းတဲ့ ကျေးလက်တောင်တန်း
ဘယ်တော့ အရောက်ပြန်မလဲ
ဘယ်တော့ နီးရမလဲ
အကြိမ်ကြိမ် လွမ်းမောရင်းနဲ့ မေ့မရဘူး…. >>

မြို့ပြမှာသာ ဒီနေ့နဲ့ မနက်ဖြန်တောင် မတူအောင် အဆောက်အဦ အသစ်တွေ၊ နည်းပညာအသစ်တွေ လိမ့်ဝင်နေပေမယ့်၊ ချင်းတောင်တန်းတွေကတော့ တစ်နှစ်နဲ့ တစ်နှစ် အရမ်းကွာခြား ပြောင်းလဲမှုနည်းပါတယ်။ နွေနွေ မိုးမိုး ဆောင်းဆောင်း အေးတာက အေးတာပဲ။ လူတွေကလည်း ရိုးသားတာက ရိုးသားတာပဲ။ ကြည်လင်လင် ရေလေးတွေ စီးနေတဲ့ စမ်းချောင်းလေးတွေလည်း စီးမြဲစီးနေတာပဲ။ အစပိုင်းမှာ ရေးခဲ့သလို တိမ်တိုက်တွေကလည်း အိပ်ခန်းထဲ ၀င်လာမြဲဝင်တာတာပဲ။ ကိုယ့်အောက်မှာ တိမ်တိုက်ကြီးတွေလည်း ရှိနေတတ်တာပဲ။ တစ်ခါတစ်ခါ နတ်ပြည်ရောက်နေသလိုလို၊ အိပ်မက်ထဲလမ်းလျှောက်ရသလိုလို တိမ်တွေကြားထဲ လျှောက်သွားလို့ရတာပဲ။ ကိုယ့်ပတ်ဝင်းကျင် လေးငါးပေလောက်တောင်မှ မှုန်ဝါးဝါးဖြစ်လို့။ 

ဒီလိုမြို့ပြမှာ ဖန်တီးယူလို့မရတဲ့ အရာတွေကို <<ဘယ်တော့မှ မမေ့ဘူး။ ဘာနဲ့မှ မလဲဘူး>> လို့ သူပြောတာ သဘာဝကျတာထက် ကျလွန်းပါတယ်။ 

ကားသံတွေ၊ လူသံတွေ ဆူညံပွတ်နေတဲ့ မြို့ပြကနေ သာယာတဲ့ အေးချမ်းတဲ့ တောင်ပေါ်ဒေသကို ဘယ်တော့မှများ ပြန်ရလိမ့်မလဲလို့ တမ်းတ လွမ်းမောရတာလည်း သဘာဝကျပါတယ်။ ဒါပေမယ့် အောင်မြင်မှုကို လိုချင်လွန်းလို့ စွန့်စားပြီး မွေးရပ်ကို စွန့်လာတဲ့သူတွေ အောင်မြင်မှုမရသေးပဲ အိမ်ပြန်ဖို့ဆိုတာ ခက်ခဲလွန်းပါတယ်။ ဘယ်တော့မှများ အိမ်ကို ပြန်ရပါ့မလဲလို့ မွေးရပ်မြေနဲ့ ခွဲရသူတိုင်း တမ်းတလွမ်းဆွတ်မိမှာ မလွဲပါဘူး။

<<<<ရင်ထဲမှာလွမ်းလို့ အရောက်ပြန်လာမယ်…….. >>>>>>

ဘယ်လိုပဲဖြစ်ဖြစ် အဲဒီ ငြိမ်းချမ်းခြင်းရှိတဲ့နေရာကိုတော့ အရောက်ပြန်ကြမှာပါ… ပြန်မယ်လို့လဲ ဆုံးဖြတ်ထားကြမှာပါပဲ။ 

အိမ်ကိုလွမ်းတဲ့သူတွေအတွက် သီချင်းတွေထဲက ချစ်စရာသီချင်းတစ်ပုဒ်ပါ… 


နန်းသီရိအောင်
မြကန်သာ အိမ်ယာ၊ ရန်ကုန်။
၁၂း၅၀ AM၊ ၁၆ရက် မတ်လ ၂၀၁၅

For Download the song

I don’t want to miss A Thing by Aerosmith

နောက်တစ်ပုဒ်ကြိုးစားပြီးထပ်ရေးထားတယ်။
အစပျိုးထားတာ ၁၄ Feb ကတည်းက အဆုံးသတ်တော့ မတ် ၁၄ ရက်...
ဘယ်လိုပဲဖြစ်ဖြစ် ၁လကြာလဲ ရူးနေတုံးပဲ ...

အကြိုက်ဆုံးသီချင်းလေးတွေကို Valentine’s Day သီချင်း collection ဆိုပြီး စုထားတဲ့ထဲက သီချင်းတစ်ပုဒ်ပုဒ်ကို ဒုတိယမြောက် သီချင်းခံစားမှုအနေနဲ့ ရေးဖို့ ရွေးနေတာ ၁ ပတ်ကျော်လောက်ရှိပါပြီ။ အကုန်လုံးကိုလည်း တစ်မျိုးစီကြိုက်နေတော့ ဘယ်အပုဒ်ကို ရွေးပြီးရေးရမှန်းမသိဖြစ်တယ်။ ပထမတစ်ပုဒ်ကို အရမ်းကြိုက်ပြီး စိတ်အပြည့်နစ်ပြီး ရေးထားလိုက်တော့ နောက်တစ်ပုဒ်ရေးရမှာ ကိုယ့်ဘာသာကိုယ် လန့်နေတာလည်းပါတယ်။  နောက်ဆုံးတော့ Valentine’s day ကုန်ခါနီး ငါးမိနစ်အလိုမှာ တကယ်ကို Romantic အဖြစ်ဆုံး သီချင်းတစ်ပုဒ်ကပဲ စိတ်ကို စွဲဆောင်သွားတယ်။

အဲဒီသီချင်းကတော့  Aerosmith ရဲ့ “I don’t want to miss A Thing” ကျွန်တော် တစ်ခုလေးကိုမှ လွတ်မသွားချင်ဘူး ဆိုတဲ့ သီချင်းလေးပါ။ သူချစ်သူနဲ့ ပတ်သက်တဲ့အရာတွေကို အသေးစိတ်လေး တစ်ခုလေးကိုမှ သူ လွဲမသွားချင်ဘူး။ လွဲသွားမှာ ကြောက်တယ်။ ချစ်ရသူနဲ့ ပတ်သက်တဲ့ အရာအားလုံး မျက်တောင်မခတ် မအိပ်တမ်း ကြည့်နေပြီး သူ့ရင်ထဲသိမ်းဆည်းထားချင်တဲ့ အကြောင်းလေးကို သီဆိုထားတာပါ။ ကျမသိသလောက်တော့ ဒီသီချင်းကို မြန်မာလို မကြားဖူးဘူး။ (တကယ်လို့ တစ်ယောက်ယောက်သိခဲ့ရင် ပြန်မျှပေးပါလို့ တစ်ခါတည်း တောင်းထားပါရစေ။)

သီချင်းကို အိမ်မက်ထဲက ဂီတသံတွေလို ဆွဲငင်ငင်အသံတွေနဲ့ အစပျိုးလာပြီး Aerosmith ရဲ့ အားကောင်းတဲ့ အသံနဲ့ စ၀င်လာပါတယ်။ အားကောင်းပေမယ့် ကွဲရှရှ အသံ…

“I could stay awake just to hear you breathing
Watch you smile while you are sleeping
While you're far away and dreaming”

မင်းရဲ့ အသက်ရှုသံလေးကို ကြားရဖို့၊ မင်းအိပ်ပျော်နေတဲ့ အချိန်မှာ အိမ်မက်တွေ မက်နေတဲ့အချိန်မှာ မင်းမျက်နှာပေါ်က အပြုံးလေး တစ်ခုကို စောင့်ကြည့်နေရဖို့ ငါမအိပ်ပဲနေနေလို့တယ်။ သူက မအိပ်ပဲနေလို့ရတယ်လို့ ဆိုနေပေမယ့် နားထောင်နေတဲ့ ကျမကတော့ နေ့စဉ်ရက်ဆက် ပင်ပန်းတာတွေများနေလို့ အရမ်းကို အိပ်စက်လိုက်ချင်နေပါတယ်။ တစ်ချိန်ထဲမှာပဲ ချစ်သူမိန်းခလေး အပူအပင်ကင်းကင်းလေး အိပ်နေတာကို ဘေးကထိုင်ကြည့်နေတဲ့ ချစ်သူတစ်ယောက်ရဲ့ မိန်းခလေးအပေါ် ချစ်ခင်မြတ်နိုးမှုကိုလည်း ခံစားလိုက်မိတယ်။

“I could spend my life in this sweet surrender ငါ့ဘ၀တစ်ခုလုံးကို ဒီချိုမြိန်တဲ့ လက်မြောက် အရှုံးပေးမှုအတွက် ပေးဆပ်လိုက်လို့ရတယ်။ I could stay lost in this moment forever ဒီအချိန်လေးမှာ ထာဝရ ရှုံးနိမ်ပြီးနေလိုက်လို့လည်းရတယ်။ Every moment spent with you is a moment I treasure” နင်နဲ့ တူတူကုန်ဆုံးလိုက်ရတဲ့ တဒင်္ဂတိုင်းဟာ ငါအတွက်တော့ တန်ဖိုးဖြတ်မရတဲ့ အချိန်တွေချည်းပဲ။ ချစ်သူမိန်းခလေး ဘေးမှာသာ သူဘ၀ကို ကုန်ဆုံးလိုက်ရရင် အရာအားလုံး သူ့အတွက် ပြီးပြည့်စုံသွားပြီဆိုတဲ့ ကောင်လေးရဲ့ ရူးမိုက်မိုက် အချစ်ကို တွေ့လိုက်ရတယ်။ အရာအားလုံးကို အဆုံးရှုံးခံလိုက်မယ်။ ချစ်သူနဲ့ တူတူရှိရချိန်ဟာ ရတနာတစ်ခုလိုပဲ မက်မောတပ်မက်ဖွယ်ဖြစ်လို့။ ကြည်နှုးတပ်မက်စရာဖြစ်လို့။

Don't wanna close my eyes
I don't wanna fall asleep
'Cause I'd miss you, baby
And I don't wanna miss a thing

မျက်လုံးတွေကို မပိတ်လိုက်ချင်ဘူး။

အိပ်မပျော်သွားချင်ဘူး…

ဘာလို့လဲဆိုတော့ ငါမင်းကို လွမ်းစိုးရိမ်လို့ပါ ကလေးရယ်။

မင်းနဲ့ပတ်သက်သမျှ ဘယ်အရာကိုမှ ငါ အလွတ်မခံချင်ဘူး။

'Cause even when I dream of you
The sweetest dream would never do
I'd still miss you, baby
And I don't wanna miss a thing

ဘာလို့လဲဆိုတော့က မင်းအကြောင်းအိပ်မက်တွေကလည်း

မက်ခဲ့သမျှ အိပ်မက်တွေထဲမှာ အချိုဆုံးအိပ်မက်တွေဖြစ်နေလို့ပဲ။

ကလေးရယ် ခုထိ မင်းကို ကိုယ်လွမ်းနေသေးတယ်။

ပြီးတော့ ဘာတစ်ခုလေးကိုမှ လွတ်မသွားချင်ဘူး။

Lying close to you feeling your heart beating

မင်းရဲ့ နှလုံးခုန်သံလေးကို ခံစားနားဆင်ရင် မင်းဘေးနားလေးလှဲအိပ်နေရတာ
And I'm wondering what you're dreaming,

မင်းဘာအိပ်မက်တွေကိုများ မက်နေမလဲလို့ ကိုယ်မှန်းဆနေမိတယ်။
Wondering if it's me you're seeing

မင်းမြင်ယောင်နေတာ ကိုယ်များလားကွယ်။
Then I kiss your eyes and thank God we're together

မင်းမျက်လုံးလေးတွေပေါ်မှာ ကိုယ့်အနမ်းတွေ ဝေဆာလို့…. ကိုယ်တို့ကို တူတူရှိခွင့်ပေးထားတဲ့ ဘုရားသခင်ရေ ကျေးဇူးတင်ပါတယ်။
And I just wanna stay with you
In this moment forever, forever and ever

ဒီအချိန်ခနလေးမှာရော ထာဝရအတွက်ရော ကိုယ်မင်းနဲ့အတူတူရှိဖို့ပဲ လိုအပ်တော့တယ်။

ကောင်မလေးအပေါ် ဘယ်လောက် ချစ်ခင်မြတ်နိုးနေပြီလဲဆိုတာ သူ့သီချင်းသံ၊ သူ့အသက်ရူသံ၊ သူ့ပင့်သက်ရှိုက်သံတွေနဲ့တင် သီချင်းနားဆင်တဲ့သူက သူနဲ့အတူလိုက်ခံစားလို့ ရနေပါပြီ။ ကျမကတော့ အသက်ရှုမှားမတတ် လိုက်ခံစား၇တယ်။ (ကိုယ့်ခံစားချက်နဲ့ ကိုယ်မို့လည်း ဖြစ်နိုင်ပါတယ်နော်)

I don't wanna close my eyes
I don't wanna fall asleep
'Cause I'd miss you, baby
And I don't wanna miss a thing

'Cause even when I dream of you
The sweetest dream would never do
I'd still miss you, baby
And I don't wanna miss a thing

I don't wanna miss one smile
I don't wanna miss one kiss
Well, I just wanna be with you
Right here with you, just like this
မင်းအပြုံးလေးတစ်ချက်၊ မင်းအနမ်းလေး တစ်ချက်ကိုတောင်မှ အလွတ်မခံနိုင်လို့ မင်းဘေးနားမှာ ဒီအတိုင်းလေးပဲ ဆက်ရှင်သင်ခွင့်ပြုပေးပါ မိန်းခလေးရေ….

I just wanna hold you close
I feel your heart so close to mine
And just stay here in this moment
For the rest of time, yeah, yeah, yeah!

ကိုယ် မင်းဘေးနားလေးမှာ ရှိနေချင်တာလေးပါပဲ

မင်းနှလုံးသားဟာ ကိုယ့်နှလုံးသားနဲ့ အနီးဆုံးမှာတယ်ဆိုတာ ကိုယ်ခံစားနိုင်ပါတယ်။

အခုအချိန်လေးအတိုင်း ကျန်ရှိတဲ့အချိန်တွေကို ဖြတ်သန်းသွားချင်တော့တာပဲ။

(ပြီးပြည့်စုံနေတဲ့ စာသားနဲ့ သီချင်းသံ၊ ကျမ ထပ်ဆောင်းပြီး ခံစားပြဖို့ လိုမယ်မထင်ပါဘူး။)

Don't wanna close my eyes
Don't wanna fall asleep
'Cause I'd miss you, baby
And I don't wanna miss a thing

'Cause even when I dream of you
The sweetest dream would never do
I'd still miss you, baby
And I don't wanna miss a thing

I don't wanna close my eyes
I don't wanna fall asleep
'Cause I'd miss you, baby
And I don't wanna miss a thing

'Cause even when I dream of you
The sweetest dream would never do
and I'd still miss you, baby
And I don't wanna miss a thing

Don't wanna close my eyes
I don't wanna fall asleep, yeah
I don't wanna miss a thing
I don't wanna miss a thing

"I don’t want to miss A Thing" for Download

We've got tonight

ဒီမနက် Valentine’s day song collection Vol-1 ရော Vol-2 ရော ဒေါင်းပြီး အားရပါးရ နားထောင်ရင်းနဲ့ အခုသီချင်းလေးကို သတိရလိုက်မိတယ်။

သီချင်းလေးက “We’ve Got Tonight” by Kenny Rogers & Sheena Easton

ဒီသီချင်းဟာ ၁၉၇၈ ခုနှစ်ကတည်းက သီချင်းလေး၊ တကယ့်သီချင်းဟောင်းလေးပေါ့။

ဆွတ်ပျံကြည်နှူး၊ လွမ်းမောစရာ အပြည့်နဲ့ အချစ်သီချင်းလေး…

 

ပထမဆုံး

<<I know it’s late

I know you’re weary

I know your plans

Don’t include me>>

ဆိုတာလေး နဲ့ ဖွင့်ထားတယ်။ တီးလုံးလေးကလည်း တကယ့်ကို ငြိမ့်ငြိမ့်ညောင်းညောင်း။ ဆိုတဲ့အသံလေးကလည်း တကယ့်ကို ဆွေးဆွေးမြေ့မြေ့….

 

I know it’s late ……

နောက်ကျနေပြီဆိုတာ သူသိပါတယ်တဲ့။ ဘာကိုနောက်ကျနေလဲ ပြောမထားဘူး။ သူတို့ ၂ယောက်တွေ့တာ နောက်ကျခဲ့တာလား။ ဒါမှမဟုတ် မိန်းကလေး အိမ်ပြန်ဖို့နောက်ကျနေတာလား။

 

I know you’re weary …

မိန်းခလေး စိတ်ရောကိုယ်ပါ အရမ်းပင်ပန်းနေပြီဆိုလည်း သူသိတယ်တဲ့။ ဒီလိုဆိုရင်တော့ ဒီမိန်းခလေးမှာ ပြဿနာတွေရှိပြီး တစ်ယောက်တည်းရင်ဆိုင်နေရလို့ စိတ်ရောကိုယ်ပါ ပင်ပန်းနွမ်းနယ်နေတာ ဖြစ်နေမလားလို့ တွေးမိသွားစေပါတယ်။ ဒီအချိန်မှာ ကောင်လေးရဲ့ အသံကလည်း တကယ့်ကို ဂရုဏာသံလေးနဲ့ ကြည်နာမှု အပြည့်နဲ့… စောင့်ရှောက်လိုစိတ်အပြည့်နဲ့

 

ဒါပေမယ့်

I know your plans, don’t include me…

မင်းအစီအစဉ်တွေ၊ မင်းရဲ့ အနာဂတ်တွေ အစီအစဉ်တွေကို ငါသိပါတယ်။ အဲဒီအစီအစဉ်တွေထဲမှာ ငါ့မပါပါဘူးတဲ့။ ကောင်မလေးက သူ့အနာဂတ်အတွက် အစီအစဉ်တွေလုပ်ထားပြီးသား။ တစ်ယောက်ယောက်နဲ့ လက်ထပ်ဖို့လား။ ဒါမှမဟုတ် ဒီနေရာကနေ အဝေးတစ်နေရာကို ထွက်သွားဖို့လား။ သေချာတာကတော့ အဲဒီ အစီအစဉ်တွေထဲမှာ ကောင်လေးမပါဘူး။ အစီအစဉ်ထဲမှာ ကောင်လေးနဲ့ တူတူဆိုတဲ့ ကိစ္စမပါဘူး။ အသက်ရူတောင် ရပ်သွားမလား အောင့်မေ့ရတယ်။ ကောင်မလေးဟာ ကောင်လေးမပါပဲ ဆက်သွားတော့မယ်။ ကောင်လေးနဲ့ ကောင်မလေးဟာ တစ်လမ်းစီ လျှောက်သွားရတော့မယ်ဆိုတာ လုံးဝ အတိအကျပါပဲ။

 

အဲဒီနောက် အခြေအနေနောက်တစ်ခုကို ဒီလိုလေးဆက်ထားလိုက်တယ်

<<Still here we are

Both of us lonely

Longing for shelter>>

 

Still here we are… ဘယ်လိုပဲဖြစ်ဖြစ် ကိုယ်တို့ ၂ယောက်လုံး ဒီနေရာမှာ ရှိနေသေးတယ်။ ကိုယ်တို့တွေ တူတူရှိနေသေးတယ်။

Both of us lonely… ကိုယ်တို့ ၂ ယောက်လုံး အရမ်းကို အထီးကျန်နေကြတာပဲ။

Longing for shelter…. နားခိုစရာတစ်ခုကို အရမ်းကို လိုချင်နေကြတာပဲ…

တစ်ယောက်တစ်လမ်းစီ သွားကြတော့မယ်ဆိုပေမယ့် လောလောဆယ်မှာတော့ သူတို့ ၂ယောက်လုံး တူတူရှိနေပြီး ၂ယောက်လုံးက နားခိုရာနေရာတစ်ခု နားခိုစရာ ရင်ခွင်ကို အရမ်းကို တမ်းတနေကြတဲ့ အထီးကျန်လူသား ၂ ယောက်ဖြစ်နေတယ်ဆိုတာလေးကို လုံးဝကို ပေါ်လွင်သွားလောက်အောင် စာသားတိုတိုလေးနဲ့ ဖော်ပြသွားနိုင်ပါတယ်။

 

<<From all that we see

Why should we worry

No one will care girl >>

ဘယ်သူကမှ ကိုယ်တို့ကို ဂရုစိုက်မှာ မဟုတ်ပါဘူး မိန်းခလေးရယ်။ ဘာတွေကိုများ စိတ်ပူနေဖို့လိုလို့လဲ… ဘာတွေကို ကိုယ်တို့ ကြောက်ဖို့လိုအပ်လို့လဲ။

သူတို့၂ယောက် ဘယ်နေရာမှာရှိနေလဲ မသိရပါဘူး။ Bar တစ်ခုမှာလား၊ ကပွဲခန်းမ ထဲမှာလား၊ ရုပ်ရှင်ရုံမှာလား ဒါမှမဟုတ် အိမ်တစ်အိမ်ထဲမှာလား၊ မြက်ခင်းပြင်ပေါ်မှာလား။ စိတ်ကူးယဉ်ကြည့်ချင်သလို ယဉ်ကြည့်လိုက်လို့ ရပါတယ်။

သေချာတာကတော့ သူတို့၂ယောက်လုံးအတွက် စိတ်ပူစရာမရှိတဲ့၊ ဘယ်သူမှလည်း သူတို့ကို စောင့်ကြည့်မနေတဲ့ နေရာတစ်ခုခုမှာပါ။

 

<<Look at the star now

So far away >>

ကြယ်တွေကို လှမ်းကြည့်လိုက်စမ်း။ ဟိုအဝေးကြီးမှာပဲ။ ဒီမှတော့ သီချင်းကို ခံစားနေတဲ့သူက သူတို့ ၂ယောက်ဟာ ကြယ်တွေကို လှမ်းမြင်နေတဲ့ နေရာတစ်ရာမှာ တူတူရှိနေတယ်လို့ ခံစားပုံဖော်ကြည့်လိုက်လို့ရပါပြီ။ မြက်ခင်းပြင်မှာ ဖြစ်ချင်ဖြစ်မယ်၊ အခန်း ဒါမှမဟုတ် အဆောက်အဦတစ်ခုရဲ့ ပြတင်းပေါက်ကနေ ကြယ်တွေကို လှမ်းတွေ့ရတာ ဖြစ်ချင်ဖြစ်နိုင်တယ်။ ဒါမှမဟုတ် ၂ ယောက် လက်တွဲပြီး လမ်းလျှောက်နေလား။ သေချာတာတော့ အဲဒါဟာ ညအချိန်ပါပဲ။ ကြယ်တွေကို မြင်ရလောက်အောင် ရာသီဥတု ကြည်လင်နေတဲ့ ညလေးတစ်ညပေါ့။

 

<<We’ve got tonight

Who needs tomorrow

We’ve got tonight, babe

Why don’t you stay>>

ဒို့၂ယောက်အတွက် ဒီညရှိပါတယ်။ နက်ဖြန်ကို ဘယ်သူလိုအပ်လို့လဲ။ မင်းဘာကြောင့် ဆက်မနေမှာလဲ။

 

ကောင်လေးက ကောင်မလေးကို တောင်းဆိုပါပြီ။ နက်ဖြန်အထိ မတောင်းဆိုပါဘူး။ ဒီတစ်ညလေးပဲ တူတူရှိကြရအောင်ပါ။ မပြန်ပါနဲ့။ တကယ့်ကို တောင်းတောင်းပန်ပန် ဆွေးဆွေးမြည့်မြည့်။ မိန်းခလေး အထီးကျန် ၀မ်းနည်းနေတာ သူသိတယ်။ ဒါပေမယ့် သူ မိန်းခလေးအပေါ် အခွင့်အရေးယူတာမဟုတ်ပဲ တောင်းပန်ခယပြီးတော့ကို မပြန်ပါနဲ့ဟယ် လို့ ပြောတာပါ။ ဒီအချိန်မှာ မိန်းခလေး သူ့ကို ထားခဲ့လည်း သူက နေခဲ့ပေးမယ့် သဘောရှိပါတယ်။

 

ဒီအချိန်မှာ မိန်းခလေးက တုံပြန်စကားဆိုပါပြီ။

<<Deep in my soul

I’ve been so lonely

All of my hopes fading away

I’ve longed for love

Like everyone else does

I know I’ll keep searching after today>>

 

Deep in my soul

I’ve been so lonely

ကျမတကယ်ကို ကျမ၀ိညာဉ်ရဲ့ အနက်ရှိုင်းဆုံးနေရာကနေကို အထီးကျန်နေတာပါ။ ကောင်လေးက မင်းအထီးကျန်တာ ငါသိပါတယ်လို့ ပြောတဲ့စကားကို မိန်းခလေးက ၀န်ခံလိုက်တာပါ။ တကယ်ကိုလည်း ပင်ပန်းနွမ်းနယ်တဲ့ အသံလေးနဲ့။ ၀မ်းနည်းကြေကွဲနေတဲ့ အသံနဲ့။

 

All of my hopes fading away….

ငါမျှော်လင့်ချက်တွေ အကုန်လုံးလည်း ပျောက်ကွယ်ကုန်ပြီတဲ့။ သူမရဲ့ အိမ်မက်တွေ တစ်ခုခုကြောင့် ပျက်စီးဆုံးရှုံးသွားလို့ တကယ်ကို ၀မ်းနည်းကြေကွဲနေတယ်။ အဲဒီအိမ်မက်တွေ ပျက်စီးသွားတယ် ရှင်ရယ်ဆိုပြီး တိုင်တယ် ပြောဆိုလိုက်တယ်။  

 

I’ve longed for love

Like everyone else does

I know I’ll keep searching after today

လူတိုင်းလိုပဲ သူများတွေလိုပဲ အချစ်ဆိုတာကို ကျမအရမ်းကို လိုချင်တမ်းတနေပါတယ်။ ဒီနေ့ပြီး နောက်ရက်တွေမှာလည်း ကျမ အချစ်ကို ဆက်လက်ရှာဖွေနေအုံးမှာပဲဆိုတာ ကျမကိုယ်ကျမသိပါတယ်။

မိန်းခလေးက သူတကယ်ပဲ အချစ်ကို လိုက်ရှာနေတယ်။ တစ်ခြားမိန်းခလေးတွေလိုပဲ တစ်ခြားလူတွေလိုပဲ နားခိုရာ ရင်ခွင်ကို သူလိုအပ်နေတယ်။ ဒီနေ့ပြီး နောက်ရက်တွေ၊ သူ့ဘ၀တစ်လျှောက်လုံးလည်း ဆက်ပြီး ရှာဖွေနေမိမှာပဲဆိုတာကို နောက်ယောကျာင်္းလေး တစ်ယောက်ရှေ့မှာ ဖွင်ဟ၀န်ခံလိုက်ပါတယ်။ ကောင်လေး သူ့ကို အကဲခပ်တာတွေ အကုန်လုံးဟာ အမှန်တွေပါပဲ ဆိုတာ ၀န်ခံလိုက်ပါတယ်။ သူမရဲ့ အသံမှာ သူမဟာ အထီးကျန်ပြီး နှစ်သိမ့်မှုကို အရမ်းလိုအပ်နေတာကို နားဆင်နေတဲ့သူကပါ သူနဲ့တကွလိုက်ခံစားလိုက်ရပါတယ်။

[Kenny:]
So there it is girl
I've said it all now

ဒီအချိန်မှာ ကောင်လေးက ဒါဆိုရင်လည်း မိန်းကလေးရယ်…. ငါစကားကုန်အောင် ပြောပြီးသားပါ…

ငါ့စကားကို မင်းနားလည်မှာပါဆိုတဲ့ အဆိုမျိုးနဲ့ စကားပြန်ပါတယ်။

အဲဒီနောက်မှာတော့ သူတို့၂ယောက်ဟာ တစ်ယောက်နဲ့ တစ်ယောက် အရမ်းလိုအပ်နေတယ်ဆိုတာ သိရှိသွားပါတယ်။

We’ve got tonight, babe… ဆိုပြီး သံပြိုင်ဆိုလိုက်တဲ့ အသံကို ကြားရချိန်မှာတော့ သူတို့၂ယောက်ဟာ ဒီနေ့ညတော့ တူတူရှိကြဖို့ သဘောတူလိုက်ကြပြီဆိုတာ သိလိုက်ရပါတယ်။

နောက်နေ့တွေကို သူတို့ မသိသေးပါဘူး။ သိဖို့လည်း မလိုအပ်သေးပါဘူး။

[Kenny:]
Turn out the light

[Sheena:]
Oooooh-ho, come take my hand now

ကောင်လေးက မီးတွေ ပိတ်လိုက်ရအောင်တဲ့

ကောင်မလေးက ငါ့လက်ကို တွဲပါအုံးတဲ့….

သူတို့တွေဟာ မီးပိတ်လို့ရတဲ့ နားခိုရာ တစ်နေရာကို ၂ယောက်တူတူရောက်ရှိသွားတယ်လို့ ကျမတို့ သဘောပေါက်လိုက်လို့ရပါတယ်။

တကယ့်ကို ဆွတ်ပျံ့ကြည်နှုး၊ လွမ်းမောစရာ အချစ်သီချင်းလေးပါပဲ။ သူတို့၂ယောက်စီမှာ တစ်ယောက်နဲ့ တစ်ယောက် နှောင်ကြိုးဖွဲ့မှုတွေမရှိဘူး။ ဒါပေမယ့် သူတို့အနာဂတ်ကို သူတို့အတင်းစွတ်မေ့ထားရတဲ့ ရသကိုလည်း မပျောက်သွားပါဘူး။ နောက်တစ်ရက်မှာ သူတို့ တူတူရှိအုံးမလား။ အဝေးဆုံးကို ထွက်သွားရမှာလား။ တစ်ချိန်မှာ ပြန်ဆုံဖို့ မျှော်လင့်ချက်တစ်စုံတစ်ရာရှိသေးလား။ မေးခွန်းပေါင်းများစွာနဲ့ သီချင်းလေးဟာ အဆုံးသတ်သွားပါတယ်။

နှစ်ပေါင်းများစွာကြာပြီဖြစ်တဲ့ သီချင်းတစ်ပုဒ်ဖြစ်ပေမယ့် ကျမအတွက်တော့ ဘယ်တော့မှ ရိုးမသွားတဲ့ သီချင်းတစ်ပုဒ်ပါ။

Nang Thiri Aung

7:13 PM

07/02/2015

At Monywa

"We've got tonight" for download